Vita Caeli é unha asociación dedicada a promover a creatividade como ferramenta para a transformación social. Desenvolve proxectos de formación, intercambio artístico e sensibilización que fomentan o coñecemento e a práctica das artes e a música. Tamén promove actividades de arte e musicoterapia en entornos hospitalarios e apoia iniciativas ambientais vinculadas á arte e á cultura.

Compañía profesional de danza que nace no ano 2003 baixo a dirección de Carlota Pérez (coreógrafa, bailarina e historiadora da arte). Durante os últimos 15 anos desenvolveu numerosos espectáculos de danza inclusiva e proxectos comunitarios.

Poten100mos traballa xunto as persoas en risco de pobreza e exclusión. Queren brindarlles oportunidades e recursos necesarios que lles permitan participar plenamente na vida económica, social e cultural.  O seu proxecto DiversidArte ten como obxectivo promover o acceso e creación de cultura de todas as persoas.

A Sociedade Filatélica da Coruña é unha entidade sen ánimo de lucro dedicada á promoción e difusión da filatelia e da historia postal. A súa misión consiste en fomentar o interese pola colección de selos e a investigación en torno ao patrimonio filatélico, organizando exposicións, charlas e actividades para socios e o público en xeral, así como promovendo a convivencia entre afeccionados e coleccionistas

É unha asociación sen ánimo de lucro que traballa a través da fotografía “profesional” para a inclusión social e profesional de persoas con discapacidade intelectual. Facilitan a formación en fotografía e buscan ou crean as condicións necesarias para que os fotógrafos con discapacidade practiquen a fotografía.

Creouse a primeira axencia para fotógrafos con discapacidade intelectual.

A Asociación Cultural Negus xorde no ano 2001 para achegar “a cultura dos pobos”, tal e como o denomina a organización, a través da música e doutras manifestacións artísticas. O seu principal obxectivo consiste en promover e difundir a cultura nun sentido amplo, ofrecento espazos á artesanía, á pintura, á danza e á música.

A ONG promove un modelo de desenvolvemento humano autónomo e sostible, centrado na igualdade, a xustiza social e o respecto ao medio ambiente. Defende o protagonismo das organizacións locais e a participación cidadá, combatendo a pobreza e a discriminación. O seu labor busca construír unha sociedade máis equilibrada, solidaria e con iguais oportunidades para todas as persoas.

A Asociación AÏS desenvolve numerosas actividades ao redor da arte e música contemporánea. Estes proxectos interdisciplinares permitiron achegar novas expresións artísticas do século XXI a todos os públicos. O seu buque insignia é o Festival de Música Contemporánea da Coruña RESIS. Un festival e punto de encontro na creación contemporánea máis vangardista.

Este proxecto nace da unión da asociación cultural “Tres Por Cuatro” co músico e compositor Robert Pier. A iniciativa xurde como unha evolución do traballo de músicoterapia que Robert Pier soubo adaptar a súa labor profesional na área sanitaria. Utilizan a música para integrar o mundo da cultura e colectivos con diversidade funcional.

A Asociación de Amigos do Museo de Belas Artes é unha entidade sen ánimo de lucro que apoia e promove as actividades do museo, buscando favorecer a difusión e a valorización do patrimonio artístico. A súa misión inclúe organizar eventos culturais, exposiciones e actividades educativas, así como fomentar a participación da sociedade na vida do museo e impulsar o interés polo arte entre o público.

Seguindo o espírito da (S8) Mostra Internacional de Cinema Periférico, que entende o cinema como unha ferramenta de autocoñecemento e exploración dos sentidos e das emocións, nace o obradoiro Xpresa: un espazo que, máis alá de achegar un proceso de creación tradicional a persoas con capacidades diversas ou en risco de exclusión social, lles ofrece un mecanismo para experimentar e expresar as súas propias capacidades a través da creación libre e estimulante de pezas cinematográficas persoais, feitas dende os sentidos e dende a intuición previa ao aprendido.

Miradas Diversas, programa de INTERSECCIÓN – Festival Internacional de Cine de A Coruña, é unha iniciativa que emprega o cinema como ferramenta de inclusión e participación social. A través de obradoiros colaborativos, persoas con diferentes capacidades e contextos exploran a linguaxe audiovisual para expresarse e crear colectivamente, achegándose á súa contorna e ás súas experiencias vitais dende unha mirada artística, libre e sensorial.

A Fundación Marta Ortega Pérez (Fundación MOP) foi constituída no ano 2022. O seu proxecto, que xira arredor da celebración de exposicións de primeiro nivel, está estruturado sobre tres piares: A Coruña, a fotografía e a moda.